|
彈唱:溫彩芳 嬲等唱歌樂開花，唱首山歌送大家，毛嶺農場全來到，贊贊涯兜婦女麻，希望大家聽春車。 一贊咁多婦人家，客家汝人唔會差，客家女人性情好，為人處事幾春車，上鄰下舍人贊夸。 二贊咁多女人儕，曉劃曉算系做家，田頭地尾樣樣曉，養雞養鵝養鴨麻，家里收入也唔差。 三贊咁多婦女麻，客家汝人曉顧家，唔怕辛苦唔怕累，日出做到日頭斜，汗水做到四流下。 四贊咁多婦人家，性情溫柔人贊夸，賢良孝順都做到，家公家婆當衷爺，全家開心笑哈哈。 五贊咁多婦人家，汝人做事也唔差，幾多女人能力大，生意興隆頂呱呱，又買奔馳買寶馬。 六贊咁多婦人儕，汝人十八一朵花，如今葉黃花又謝，行路都像弓背蝦，為兒為女身累挎。 七贊咁多汝人儕，真情真意性唔野，嫁雞隨嫁狗隨狗，邪眼唔看別人儕，夫妻和睦共特家。 八贊咁多婦人家，十分體惜老公儕，看到老公做辛苦，瘦肉來煮豬肝花，補到老公賽俊馬。 九贊咁多女人家，熱情大方人人夸，上鄰下舍常坐嬲，親朋好友有上下，滾水泡茶開心花。 十贊咁多女人家，莫嫌女人三八麻，世界幾多女強手，做事唔比男人差，金獎銀金敢拿下。 十贊歌里漸停下，王婆賣瓜系自夸，講話有真也有假，女人有好也有差，自家做好開心花。 |
|
|
