|
《十想情人苦凄凄》 作詞/清唱：張小紅 一想情人苦心田 唔知阿哥在奈邊 夢里同哥來相見 兩人相擁淚漣漣 相思之苦講唔完 二想情人在房中 見到阿哥好笑容 今生有緣來相識 只怨時間太怱怱 唔知幾時再相逢 三想情人在何方 日日害厓掛心腸 明知阿妹相思苦 睡目唔得吃唔香 樣般阿哥心咁狼 四想情人在身邊 見到阿哥笑連連 二人今生有緣份 一生一世手相牽 恩恩愛愛到百年 五想情人在家堂 阿妹看到心里狂 好久唔曾見哥面 吂知醒來夢一場 搞到阿妹心都涼 六想情人在眠床 二人相爰共間房 阿哥汝愛對厓好 唔好對厓花心腸 時刻將涯掛心房 七想情人奈何橋 阿妹想哥淚濤濤 今生無緣來相伴 來生再與哥相邀 恩恩愛愛共逍遙 八想情人轉來哩 阿妹看到笑嘻嘻 阿哥唔理妹辛苦 走哩咁久無歸期 阿妹想哥苦凄凄 九想情人話汝知 想同阿哥結連理 哥有情來妹有義 阿妹日日想緊汝 還望阿哥莫移虛 十想情人笑開顏 阿哥阿妹系有緣 唔使媒人來牽線 山歌搭橋喜相連 相親相愛慶團圓 |
|
|
